Gjykata e Posaçme e Apelit dënoi me 25 vite burg Blendi Tetan për veprime që pengojnë zbardhjen e së vërtetës për ngjarjen ku u ekzekutua ish-polici Santiago Malko. Teta akuzohet se vëzhgoi lëvizjet e viktimës para se ai të ekzekutohej në Rrugën “Xhanfize Keko”.
Teta pretendonte se ka marrë kërcënime për jetën. Sipas avokatit mbrojtës, 39-vjeçari ishte frikësuar edhe para prangosjes, prandaj është vetëdorëzuar.
Policia ka hetuar disa pista për vrasjen e Santiago Malkos, duke qenë se dyshohet se është përfshirë në disa ngjarje kriminale.
Gjithashtu Malko është mik me Ervis Martinajn dhe ndodhej në lokalin në ish-bllok natën kur ndodhi vrasja.
Nga këqyrja e kamerave të disa bizneseve, u vu re se pak përpara krimit, Malko po ndiqej nga dy makina, në njërën prej të cilave ndodhej edhe Blendi Teta.
Ky i fundit ka pranuar asokohe të bashkëpunojë me hetuesit, duke nxjerrë emrat e vëllezërve Duka dhe një shtetasi nga Vlora, të cilët janë shpallur në kërkim.
Vrasja e Santiago Malkos
Një skenë si në filmat e “Far ëest” mund të quhet ekzekutimi i Santiago Malkos mbrëmjen 27 gushtit 2019, në kryeqytet.
Krimi ishte planifikuar mirë nga autorët, të cilët kanë vëzhguar lëvizjet e ish-policit me imtësi.
Ish-efektivi u ekzekutua në zonën e Porcelanit në Tiranë.
Një furgon i bardhë i preu rrugën dhe më pas drejt tij u zbrazën mbi 10 plumba kallashnikovi.
Për shkak të shpejtësisë së madhe, makina për inerci ka goditur koshat e plehrave, ndërsa është përplasur edhe me portën hyrëse të një objekti privat.
Santiago Malko dha doëheqjen nga policia në vitin 2014-të, pak muaj pas diplomimit.
Ai u konfliktua në 2016-ën me vëllezërit Lashi për shkak të borxheve në lojrat e fatit.
Gjithashtu ai është kapur nga kamerat e sigurisë në lokalin në zonën e ish-bllokut, ku mbeti i vrarë, Fabiol Gaxhaj.
Malko ndër të tjera, rezultonte në kërkim nga policia për falsifikim dokumentash.
