Gjykata e Tiranës ka vendosur të kalojë për gjykim çështjen penale ndaj autorëve të dyshuar të vrasjes së Gentjan Bejtjas, e ndodhur në mars 2024 në zonën e Larushkut, Fushë-Krujë.
Të pandehur në këtë proces janë Ilir Beqaraj dhe Edison Haxhiu, ndërsa Florian Plaku, i dyshuari i tretë, vijon të jetë në kërkim ndërkombëtar, me dyshimet se fshihet në Dubai.
Në seancën e zhvilluar këtë të premte, Ilir Beqaraj nuk ishte i pranishëm, duke paraqitur në gjykatë një raport mjekësor që justifikonte mungesën e tij për arsye shëndetësore.
Sipas hetimeve, Beqaraj dhe Plaku dyshohet se e kanë kryer bashkë vrasjen e Bejtjas, ndërsa Edison Haxhiu ka ndihmuar në sigurimin e kushteve për realizimin e saj.
