Nënkryetari i Lëvizjes Socialiste për Integrim, Petrit Vasili ka reaguar me anë të një postimi në rrjetet sociale në lidhje me vendimin që ka marrë Gjykata e të drejtave të Njeriut në Strasburg. Sipas Vasilit nga vendimi i marrë rrezikohen gjoba që arrijnë në dhjetëra milion euro vetëm për vonesat në gjykimin e çështjeve.
Ai shkruan se Gjykata e të Drejtave të Njeriut dënon shtetin shqiptar me gjobë deri në 2300 euro, vetëm për vonesat e pajustifikuara në gjykimin e çështjes.
Ndër të tjera Vasili ka theksuar se kjo është një nga pasojat më të rënda të kolapsit të sistemit të drejtësisë në vend.
Reagimi i plotë:
Vendimi i Strasburgut, rrezikohen gjoba me dhjetra milion euro vetem per vonesat ne gjykimin e ceshtjeve!
Gjykata e te Drejtave te Njeriut ne Strasburg denon shtetin shqiptar me gjobe deri ne 2300 euro, vetem per vonesat e pajustifikuara ne gjykimin e çeshtjes.
Llogaritni mbi 70 mije dosje, qe ndodhen aktualisht te bllokuara neper gjykata me vite te tera dhe qe nuk kane asnje shans qe te gjykohen edhe per shume kohe.
Logaritni qe per nje ceshtje ka me shume se sa nje person te interesuar.
Shqiperia rrezikon pas ketij vendimi, qe perben nje precedent, qe te paguaje dhjetra milion euro vetem per vonesat ne shqyrtimin e ceshtjeve gjyqesore, ne se keto vonesa do te shkojne te ankohen nga qytetaret ne Strasburg
Kjo eshte nje nga pasojat shume te renda te kolapsit te sistemit te drejtesise dhe mungesave kritike ne numrin me minimal te nevoshem te gjyqtateve dhe prokuroreve.
Ja vendimi i marre sot ne Gjykaten e te Drejtave te Njeriut ne Strasburg per çeshtjen Bara dhe Kola.
