Numri i çështjeve të mbetura pezull në Gjykatën e Lartë ka qenë gjithmonë një problem i trajtuar, mirëpo këto 24 orë ka ndodhur çudia. Në një njoftim për mediat, ky institucion thotë se vetëm tre gjyqtarë kanë arritur që brenda 24 orëve të shqyrtojnë dhe japin vendimet për plotë 130 procese në pritje.
Mirëpo po ta krahasosh me numrin e që është në pritje, 31 mijë dosje, duket e papërfillshme. Ndërkohë që këto 21 mijë dosje janë të ndara në 16 mijë sa i përket çështjeve civile, 10 mijë sa i takon atyre administrative dhe 5 mijë janë çështje penale.
Mirëpo nëse vazhdohet me ritmin e një dite më parë, mund të përfundojnë më shpejt nga çfarë mund të mendohej. Nuk dihet sesi mund të jenë dhënë këto vendime, megjithatë presim ditët në vijim.
Njoftim për media
Mbi gjendjen e dosjeve gjyqësore deri në përfundim të tremujorit të parë të vitit 2019
Në përfundim të tremujorit të parë të vitit 2019 bëjmë me dijë se, në Gjykatën e Lartë, megjithëse në përbërje vetëm me tre gjyqtarë, vazhdon shqyrtimi i dosjeve gjyqësore të regjistruara, përfshirë këtu edhe çështje të themelit.
Për shkak të situatës së krijuar me të cilën përballet sot kjo gjykatë, përparësi i është dhënë shqyrtimit të çështjeve më urgjente ma natyrë civile, administrative dhe panale.
Vetëm ditën e enjte, datë 28.03.2019, trupa gjyqësore arriti të marrë vendime për rreth 130 dosje të tilla. Ndërkaq edhe këshilltarët e mbetur (aktualisht 9), vazhdojnë studimin e dosjeve dhe hartimin e relacioneve përkatëse, bazuar në Urdhrin e Brendshëm të Kryetarit të Gjykatës së Lartë.
Aktualisht numri i dosjeve të regjistruara në Gjykatën e Lartë, për periudhën e sipërpërmendur, është rreth 31.000, prej të cilave 16.000 dosje civile, 10.000 dosje administrative dhe 5.000 dosje penale.
