Gazetari dhe pronari i UET, Henri Çili u arrestua më 27 shkurt gjatë operacionit “Mezhgorani”, bashkë me avokatin Ilir Korbi, biznesmeni Sait Fishta dhe 28 persona të tjerë.
Botuesi u akuzua për 6 vepra penale, ku më e rënda është ajo e ushtrimit të ndikimit tek gjyqtarët për të liruar Arbion dhe Alban Aliko, të dënuar për vrasjen e efektivit të RENEA-s në Lazarat, Ibrahim Basha.
Pak ditë pas arrestimit, gjatë një seance maratonë, Gjykata e Përmetit vendosi të linte të lirë Çilin dhe avokatët e tij, Ilir Korbi dhe Besnik Fishta, për të cilët u vendos masa ‘arrest shtëpie’, ndërsa 16 persona janë lënë në burg.
“Mezhgorani”/ Jepen vendimet për të akuzuarit, mësohet kush qëndron në burg
Vetë Çili në një deklaratë për mediat aso kohe tha se kundër tij nuk qëndron asnjë akuzë, pasi s’ka bërë asnjë veprim të jashtëligjshëm dhe se gjithçka që ai kishte bërë ishte brenda rregullave, pasi kishte një kompani ligjore ndërmjetësimi.
Nga ana tjetër Prokuroria apeloi vendimin e Gjykatës së Përmetit të dhënë për botuesin Henri Çili, pasi nuk ishte dakord me masën e sigurisë “detyrim paraqitje” për Çilin dhe kërkoi një masë më të rëndë.
Gjykata e la të lirë, Prokuroria apelon vendimin për Henri Çilin
Mirrëpo, Gjykata e Apelit e ka rrëzuar këtë kërkesë ditën e sotme, duke lënë në fuqi vendimin “detyrim paraqitje” për botuesin.
