Hetuesit italianë kanë zbuluar detaje të reja lidhur me vrasjen e 22-vjeçares shqiptare, Ilaria Sula, ndërsa vijojnë hetimet për zbardhjen e plotë të ngjarjes.
I dyshuari kryesor, 23-vjeçari Mark Samson, tashmë ndodhet në paraburgim, por autoritetet nuk përjashtojnë mundësinë e bashkëpunëtorëve të tjerë në krim.
Këto dyshime janë thelluar pasi në valixhen ku u fsheh trupi i viktimës e cila më pas u hodh në një zonë pyjore jashtë Romës janë gjetur gjurmë ADN-je që i përkasin një burri tjetër.
Prokuroria e Romës ka përqendruar tashmë vëmendjen te babai i Mark Antony Samson, ish-i dashuri i Ilaria Sulës. Ai nuk është zyrtarisht nën hetim, pasi sipas dëshmisë së bashkëshortes nënës së autorit ai nuk ndodhej në banesë gjatë vrasjes. Ajo ka pranuar se ndihmoi të birin për të fshirë gjurmët e gjakut pas ngjarjes.
Megjithatë, hetuesit kanë paralajmëruar se babai i Samson do të merret sërish në pyetje dhe do t’i nënshtrohet analizave të ADN-së për të verifikuar nëse përputhet me gjurmët e gjetura në valixhe.
