Një ngjarje e tmerrshme në përmasat e horrorit ka ndodhur në lagjen numër 15. në Korçë.
Një nënë me probleme të shëndetit mendor, pasi ka lindur fëmijën e ka futur atë në një valixhe, ku e ka mbajtur për një muaj. Rrjedhimisht fëmija ka humbur jetën.
Ndërkohë që nga informacionet fillestare të ngajrjes tronditëse u bë e ditur se babai i fëmijës ishte në emigracion dhe kishte një muaj që ishte kther në Shqipëri.
Sot në polici, bashkëshorti i autores së krimit të rëndë sot në Korçë, i cili ka bërë edhe denoncimin për ngjarjen makabre ka deklaruar: “Fëmija nuk është i imi”.
Gjithashtu ai rrëfeu para oficerëve makabritetin, ndërsa shtoi se ai prej më shumë se një viti kishte emigruar në Greqi, duke pretenduar kështu se nuk ishte i ati i foshnjës. “Kam 1 vit që nuk kam patur kontakte me bashkëshorten”, mësohet të jetë shprehur ai. Burri me inicialet K.A, i kthyer nga Greqia një muaj më parë, kishte konstatuar në banesë një erë të rëndë. Aroma vinte nga dollapi mirëpo ai nuk kishte kërkuar më tej se çfarë po e shkaktonte erën e rëndë.
Me këtë detaj, lihet të kuptohet se foshnja ka më shumë se 1 muaj që qëndroi e pajetë brenda valixhes në dollap.
Ishte pikërisht burri i saj emigrant, i cili një ditë më parë ishte kthyer nga Greqia, ku kishte emigruar prej kohësh dhe sapo ka hyrë në banesë ka zbuluar ngjarjen tronditëse.
Ndërkohë, që do të jetë ekspertiza mjeko-ligjore që do të hedhë dritë mbi ngjarjen. Aktualisht nëna e foshnjës, që thuhet se vuan nga probleme të shëndetit mendor, është në maternitetin e spitalit të Korçës, ku po merr trajtim mjekësor.
