Qeveria gjermane ka refuzuar sërish thirrjet nga Ukraina për ta furnizuar me aeroplanë luftarakë për të ndihmuar në luftën kundër Rusisë. Kjo vjen pas një presioni të rritur nga disa politikanë dhe ekspertë ushtarakë gjermanë që kërkojnë që Berlini të bëjë më shumë për të mbështetur Ukrainën.
Ministri i Mbrojtjes gjermane, Christine Lambrecht, ka deklaruar se aeroplanët luftarakë gjermanë janë “të nevojshëm për mbrojtjen e vetë Gjermanisë” dhe se dërgimi i tyre në Ukrainë do të dobësojë aftësinë e vendit për t’u mbrojtur nga kërcënimet e mundshme nga Rusia.
Qëndrimi i Gjermanisë ka ngjallur kritika nga disa, të cilët argumentojnë se vendi nuk po bënë mjaftë për të ndihmuar Ukrainën në luftën e saj për liri. Ata theksojnë se furnizimi i Ukrainës me aeroplanë luftarakë do të ishte një ndryshim i rëndësishëm në luftë dhe do të ndihmonte në shpejtimin e fundit të saj.
Sidoqoftë, qeveria gjermane ka mbajtur qëndrimin e saj, duke argumentuar se është e rëndësishme të balancohet mbështetja për Ukrainën me nevojën për të mbajtur Gjermaninë të sigurtë.
Gjermania ka ofruar tashmë ndihmë të konsiderueshme për Ukrainën në formë të armëve dhe municioneve të tjera, si dhe trajnimit ushtarak. Por refuzimi i tyre për të dërguar aeroplanë luftarakë ka ngritur pyetjen nëse Berlini po bënë mjaftë për të ndihmuar Ukrainën në këtë kohë krizë.
