Institucioni kryesor shëndetësor i Gjermanisë ka paralajmëruar një situatë “shumë, shumë serioze” ndërsa vendi ndeshet me një valë të tretë të përshpejtuar të rasteve të koronavirusit dhe një përhapje të ngadaltë të vaksinimit.
Të dielën, Instituti Robert Koch (RKI) për kontrollin e sëmundjes raportoi më shumë se 17,800 infeksione të reja dhe 104 vdekje.
Pavarësisht se shifrat zakonisht janë pak më të ulëta gjatë fundjavave për shkak të testimeve më të pakta, rastet po rriten krahasuar me një javë më parë kur RKI regjistroi gati 12,200 raste dhe 68 vdekje, shkruan Al Jazeera.
Sipas të dhënave nga 70 spitale në të gjithë vendin, gjithnjë e më shumë të rinj po shtroheshin në spital me infeksione të frymëmarrjes dhe qendrat shëndetsore po mbusheshin me shpejtësi.
Pothuajse 90 përqind e rasteve të reja janë shkaktuar nga lloji më i transmetueshëm B.1.1.7, i njohur si varianti i Mbretërisë së Bashkuar.
Një element tjetër shqetësues është fushata e ngadaltë e vaksinimit të vendit, argumentojnë analistët, për shkak të planit të blerjes së Komisionit Evropian.
Në episodin e fundit të një serie pengesash midis Bashkimit Evropian dhe AstraZeneca, kompania farmaceutike tha të premten se do të dorëzojë vetëm gjysmën e dozave që ishte planifikuar të dërgoheshin në bllokun e 27 vendeve.
Në Gjermani, afërsisht 14 përqind e popullsisë ka marrë të paktën një goditje, sipas shifrave më të fundit, duke ndjekur Mbretërinë e Bashkuar, Francën dhe mesataren e BE-së.
Shkalla e vaksinimit u ul pak më shumë gjatë Pashkëve, ndërsa qendrat në disa shtete u mbyllën për pushime. Ndërlikimi i mëtejshëm i përdorimit të vaksinave është përgjigjja zyrtare ndaj vaksines së AstraZeneca.
