Vazhdon gjendja alarmante e të helmuarve në Bulqizë, ku mëngjesin e sotëm janë shënuar plotë 100 persona që kanë marrë ndihmë mjekësore.
Kanë qenë 4 persona të tjerë që janë paraqitur pak më parë në urgjencën e spitalit të qytetit për të marë mjekimin e duhur për shkak të gjendjes në të cilën ndodheshin.
Riza Ceni, mjeku që është marrë me pacientët ka thënë se simptomat janë të njëjta tek të gjithë pacientët, të vjella dhe marrje mendsh.
“Sot janë paraqitur 4 persona të tjerë. Vijnë me vjella dhe marrje mendsh”, u shpreh mjeku.
Ditën e djeshme mjeku i urgjencës Shahin Kaja ka thënë se përveç ujit të pijshëm, shkak mund të jetë bërë edhe konsumi i bukës nga një furrë e caktuar.
‘’Të gjithë në familje jemi me dhimbje barku, gruaja dhe vajza janë më keq”, shprehet një prej banorëve për Fax Neës.
Që pas deklaratës së djeshme, menjëherë Inspektoriati i Shëndetësisë ka marrë kampione të ujit të pijshëm dhe është duke u pritur që rezultati të bëhet publik për të dhënë kështu një arsye të këtij helmimi masiv.
