Gjendja e tij u përkeqësua papritur, cilat ishin fjalët e fundit të shoferit të Arjan Ndojës

Google+ Pinterest LinkedIn Tumblr +

Të gjithë menduan se do t’ja dilte, por fatkeqësisht Andi Maloku, shoferi i prokurorit Arjan Ndoja, ndërroi jetën mbrëmjen e djeshme.

Ai kishte dalë nga reanimacioni dhe ishte shtruar në pavion.

Familjarët e tij po diskutonin me mjekët, për mundësinë që ai kishte për të ecur.

Papritur 24-vjeçari ka shfaqur probleme me frymëmarrjen dhe është dërguar në reanimacion, shkruan Panorama.

I riu është mbajtur për dy orë në terapi intensive në reanimacion dhe mjekët dyshuan për tromboemboli.

Dyshohet se shkak për komplikacionet janë bërë mushkëritë e dëmtuara nga plumbat.

“Nuk i ndjej më këmbët, ç’më bënë maskarenjtë!”, ishin fjalët e tij të fundit, teksa po e dërgonin për të bërë një skaner.

Andi Maloku është shpëtimtari i prokurorit Arjan Ndoja dhe Landi Muharremit, për shkak të manovrave që bëri gjatë atentatit.

Pas atentatit qarkulloi informacioni se ai kishte qenë ish-efektiv policie, mirëpo 24-vjeçari nuk kishte punuar asnjë ditë në polici.

I riu zgjodhi të punonte si shofer i prokurorit për një rrogë modeste prej 300 mijë lekësh, punë kjo që i mori dhe jetën.

Shpërndaje
Share.

Komento