Mbrëmjen e djeshme në burgun e Fierit një 40-vjeçar është gjendur i vdekur në qelinë e tij.
Menjëherë sapo është vënë re që ka pasur diçka që nuk shkonte viktima është dërguar në spital, por fatkeqësisht pa shenja jete.
Viktima mësohet të jetë Dritan Zeqiri dhe nga dyshimet e para thuhet se mund të ketë kaluar arrest kardiak, ndërkohë që nga eksperiza e bërë deri tani nuk janë dalluar shenja dhune në trup.
Ende nuk ka një njoftim zyrtar nga ana e policisë për vdekjen e Zeqirit, megjithatë pritet edhe raporti mjeko-ligjor, pasi trupi është dërguar tashmë në morgun e qytetit dhe janë duke i bërë ekzaminimet e nevojshme.
