Gjendet i pajetë një i moshuar mesditën e sotme në Fushë-Prezë të Tiranës, në kryqëzim me rrugën e Rinasit.
Dyshohet se i moshuari me iniciale A.B 70 vjeç është qëlluar me armë zjarri nga një makinë në lëvizje, pasi në trup ka shenja plagësh nga arma e zjarrit
Ndërkohë pranë trupit të viktimës është gjetur një armë dhe një makinë e ndaluar, e cila dyshohet se i përket viktimës.
Policia dhe grupi hetimor kanë shkuar në vendin e ngjarjes dhe po punojnë për zbardhjen e rrethanave, ndërkohë që ka sekuestruar edhe kamerat e ambienteve përreth.
