Një ngjarje e rëndë ka ndodhur pak më parë në qytetin e Shkodrës, ku një grua është gjetur e shtrirë në mes të rrugës e dëmtuar. Gruaja me iniciale E.R., rreth 50 vjeçe është gjetur në rrugë rreth orës 18:30 në lagjen Liria të Shkodrës, pranë Urës së Vjetër të Bunës. Në njoftimin e policisë thuhet se dyshohet që gruaja me banim në lagjen liria të qytetit verior, të jetë përplasur nga ndonjë automjet që më pas mund të jetë larguar, duke e lënë 50-vjeçaren të shtrirë në mes të rrugës. Mësohet se gruaja e dëmtuar është dërguar në Spitalin Rajonal të Shkodrës dhe është në gjendje të rëndë për jetën. Grupi hetimor është duke vijuar punën për zbardhjen e rrethanave të ngjarjes.
Njoftimi i plotë i Policisë së Shtetit:
Shkodër/ Informacion Paraprak
Më datë 21.02.2021 ora 18:30, në lagjen Liria, ne Shkodër, në rrugë përballë Urës së Vjetër të Bunës, është gjetur e shtrirë shtetësia E. R. rreth 50 vjeçe , me banim në lagjen Liria, Shkodër, e cila dyshohet të jetë përplasur nga një mjet dhe me pas është larguar,
Shtetasja e dëmtuar është dërguar në Spitalin Rajonal Shkodër, në gjendje të rëndë. Grupi hetimor vijon punën për sqarimin e rrethanave të kësaj ngjarje.
