Ditën e djeshme u raportua nga Policia e Shtetit se janë arratisur nga një qendër sociale në Elbasan 3 të mitur. Por nuk kanë kaluar 24 orë ku janë arritur të gjenden dy nga tre fëmijët e “zhdukur” nga Qendra Sociale në Elbasan,
Policia vendore e konfirmoi lajmin sot (21 Shtator), teksa sqaroi se po vijojnë kërkimet për gjetjen e 13-vjeçarit tjetër. Gjithashtu po merren në pyetje të miturit për rrethanat dhe shkaqet e largimit.
“Në vijim të informacionit të dhënë ditën e djeshme (20 Shtator) për largimin nga një qendër sociale të shtetasve të mitur, ju informojmë se janë gjetur dhe i janë dorëzuar qendrës, në gjendje të mirë shëndetësore, një 14-vjeçar dhe një 13-vjeçar”, njoftoi policia vendore. Sipas burimeve zyrtare dhe hetimeve të deritanishme, ngjarjen e ka kallëzuar shtetasi R. P., 37 vjeç, me detyrë përgjegjës qendrës sociale, i cili gjithashtu po hetohet.
