Pasi Gjykata vendosi të pezullojë kërkesën e Lulzim Bashës për njohjen e Kuvendit Kombëtar të 2 shtatorit, Juristi Çlirim Gjata ka deklaruar se ajo pjesë që e konsideron veten PD tashmë ka rënë. Sipas juristit është nevojë imediate që gjykata të njohë dorëheqjen e Bashës, pasi tashmë të gjithë po vijnë tek shumica.
“Derisa ata erdhën dhe kërkuan pezullimin, atë që kërkuam edhe ne, dmth që nuk duan të regjistrojnë në gjykatë ndryshimet që kemi bërë së fundmi. Duhet të shqyrtohet ajo dhe shpejt që është kërkuar dorëheqje e Bashës të regjistrohet në gjykatë. Praktikisht ajo pjesë që e konsideron veten PD ka rënë. Është ajo që kam thënë që në fillim, të gjithë po vijnë tek ne. Edhe me kërkesën e fundit. Erdhën tek ne sic po vijnë të gjithë tek PD reale, atje ku është shumica”, tha Gjata.
