Vrasja e Dod Mamlit, 67-vjeçarit që ndodhi ditën e djeshme në fshatin Zhej në Mamurras, dyshohet të ketë ndodhur për motive gjakmarrjeje.
Dod Mamli, u qëllua 6 herë me pistoletë në afërsi të një zone të pyllëzuar, në fshatin Vilëz. Policia ka shoqëruar 10 persona për të pyetur mbi ngjarjen, por ende nuk ka identifikuar autorët.
Viktima po punonte tokën kur ndodhi ngjarja dhe hetuesit kanë sekuestruar telefonin dhe mjetin e tij për analizë. Nga ekspertiza mjeko-ligjore, rezulton se viktima ka marrë plumba në kokë dhe gjoks.
Grupi hetimor po vazhdon të shqyrtojë provat dhe të monitorojë zonën e pyllit për ndonjë gjurmë që mund të çojë në zbardhjen e ngjarjes.
Familjarët kanë thënë se viktima foli me të vëllanë rreth orës 16:00 dhe se krimi mund të ketë ndodhur pas kësaj kohe.
Dyshohet se vrasja mund të lidhet me hakmarrjen për vrasjen e Naim Tafës, që ka ndodhur në 2015, ku Enrik dhe Tom Mamli, djemtë e viktimës, ishin të përfshirë.
