Pas dëshmisë së GJKKO për dosjen Gerdeci, Shkëlzen Berisha ka folur për mediat, duke thënë se e gjitha kjo është një teatër politik. Ai tha për mediat se vetë gjyqytarët në ato çfarë thanë nuk kanë asnjë informacion të saktë që i shërben akuzës.
Ndër të tjera tha se është teatër politik sepse në mëngjes thirret djali, në drekë gjykohet babai dhe në darkë ekzekutohet masa e sigurisë.
“Kam thënë që dëshmia ime një vit më parë s’ka asnjë lidhje me akuzën. Asgjë ato që thanë s’ka lidhje me akuzën, skam asnjë informacion që mund ti shërbej akuzës, teatër politik. Në mëngjes thirret djali, në drekë gjykohet babi, në darkë ekzekutohet masa e sigurisë”, u shpreh Shkëlzen Berisha.
Ai tha ndër të tjera se kjo dosje është politizuar shumë dhe kjo s’ka ndihmuar në procesin e hetimit të plotë për këtë ngjarje.
“Nuk e di nëse tragjedia nëse është hetuar siç duhej, s’jam as gjyqtar dhe as prokuror. Por, politizimi i kësaj çështje nuk e ka ndihmuar të vërtetën dhe hetimin”, u shpreh ndër të tjera Berisha.
