Ditën e sotme u zhvillua seanca për ‘Gërdecin’. Pas përfundimit të saj, ish-ministri i Mbrojtjes, Fatmir Mediu gjatë një deklarate të dhënë për mediat tha se duhet që të organizohet një video-konferencë me ish-shefin e Shtabit të Ushtrisë, Luan Hoxha i cili jeton në SHBA.
“Kam rezerva sepse duket qartësisht se ata që janë dëshmitarë që janë marrë me zbatimin e urdhrave, nuk kanë pranuar të përgjigjen. Unë mendoj se Shefi i shtabit, duhet të hedhë dritë mbi të vërtetën duke iu përgjigjur disa pyetjeve. Nuk është aq e vështirë të gjendet adresa e një personi që jeton në SHBA. Ose të bëhet një videokonferencë për t’u ballafaquar”– tha Mediu.
Më tej, ai shtoi se ky është një proces që po tentohet të kalohet si proces i radhës.
“Dua të theksoj se ashtu siç u procedua me dëshmitarët u thirrën formalisht pa u tentuar t’i hyej dëshmitarëve të vet, u bë parqitja e provave nuk përcaktoi qartë këtë volum dosjesh, u tha që është salduar njhë karrocë ka dalë 30 minuta, urdhrat e ministrit që nuk janë zbatuar, ku është përgjegjësia e ministrit në kuadër të shpërdorimit të detyrës? Se është një proces që tenton të kalohet si proces i radhës, ne duhet t’i shtirjmë faktet siç janë, kë nen ka shkelur, duhet parë në atë analizë të fakteve në gjykatë që nxjerr të vërtetën, të ndërtojmë atë çfarë ka ndodhur, nuk merret ministri me çështjen e kalibrave, nuk ka përcaktim të kalibrave të mëdhenj apo vegjël. Për çfarë zhvillohet ky process kur dëshmitarët nuk kanë vlerë”.
Sot, GjKKO vendosi të administrojë procesverbalin e dëshmisë së ish shefit të Shtabit të Përgjithshëm të Forcave të Armatosura, Luan Hoxha në gjyqin ku ish ministri i Mbrojtjes Fatmir Mediu është marrë i pandehur për akuzën e shpërdorimit të detyrës lidhur me masakrën e Gërdecit.
Kujtojmë se me 15 mars 2008 nga shpërthimi i një punisheteje demontimi të armëve humbën jetën 26 persona e qindra u plagosën.
