Vrasja e gazetarit dhe redaktorit serb në vitin 1999 tashmë është zbardhur plotësisht dhe autorët kanë marrë dënimin e merituar.
Janë plot katër ish-punonjës të sigurisë shtetërore serbe janë dënuar ditën e sotme nga Gjykata e Lartë e Beogradit me 100 vite burg në total.
Gazetari, Slavko Curuvija ka qenë i njohur për kohën, pasi ka qenë një nga kundërshtarët më të fortë të regjimit të Millosheviçit dhe pikërisht për këtë arsye mendohet se ka ardhur edhe ekzekutimi i tij.
Ish-kreu i Sigurisë Shtetërore të Serbisë Radomir Markoviç dhe oficeri i shërbimit të sigurisë Milan Radonjiç u dënuan nga gjykata me 30 vjet burg, ndërsa agjentëve të shërbimit sekret Ratko Romic dhe Miroslav Kurak secili u dha 20 vjet burg.
Nga investigimet bëhet me dije se ekzekutimi i gazetarit Curuvija, ishte një plan i ish kreut të Sigurisë Serbe Markoviç, i cili i tha Milan Radonjiçit për planin e vrasjes së gazetarit kritik, dhe ky i fundit bëri një marrëveshje duke përfshirë në plan edhe dy agjentët e shërbimit sekret Romic dhe Kurak për të kryer ekzekutimin. Ndërkohë në vendimin e saj, gjykata tha se një “person i panjohur” kishte urdhëruar goditjen.
Nëse rikthehemi pas në kohë, gazetari është ekzekutuar jashtë banesës së tij me armë në vitin 1999, mirëpo gjyqi është hapur vetëm në vitin 2015, mirëpo dhe kjo është arritje e madhe.
Sipas “Reporterëve pa kufijë” është hera e parë në historinë e kohëve të fundit që burgoset dikush për vrasjen e një gazetari.
Po ashtu për vendimin ka reaguar edhe Fondacioni Slavko Curuvija, përfaqsues të së cilit në një deklaratë u shprehën se: “Kjo tregon një mesazh të qartë, se krimet kundër zërave të ndryshëm nuk mund të mbeten të pandëshkuara”– transmeton BBC.
