Gazetari Almer Toska, gjatë një interviste në emisionin “Opinion” në News24, shprehu bindjen se drejtësia në Shqipëri është e influencuar nga amerikanët.
Sipas tij, ekzistojnë tre çështje kyçe që do të tregojnë nëse politika do të arrijë të mbizotërojë ndaj SPAK, apo nëse ky institucion do të përmbushë misionin e tij për të luftuar korrupsionin në nivele të larta.
Si çështje të parë, Toska përmendi rastet që lidhen me zv.Kryeministren Belinda Balluku.
“Çështja e Belinda Ballukut është një nga më të rëndësishmet. Janë dhënë 5 mld euro konçensione. Thuhet se është zbërthyer telefoni i Sekretares së Përgjithshme të saj, Viola Haxhiademi, janë gjetur perla aty, se si janë shpërndarë paratë.
Tani kjo është një çështje që Dumani duhet të na tregojë nëse është i Edi Ramës apo i amerikanëve.Ceno Klosi, Belinda Balluku dhe Viola Haxhiademi do të arrestohen shumë shpejt”, tha Toska, referuar burimeve të tij
Në vijim ai përmendi hetimet për Kryebashkiakun Erion Veliaj.
“Erion Veliaj është çështja tjetër, nëse ai shpëton drejtësia ka dështuar, bashkë me amerikanët. Veliaj është personi kyç, nëse ai shpëton kjo do të thotë se fiton politika përballë SPAK.
