Lufta në Ukrainë nuk ka kursyer as gazetarët, ku Brent Renaud ka mbetur i vdekur.
Ish-gazetari i New York Times e njëkohësisht regjisori i njohur amerikan, Brent Renaud është vrarë nga ushtria ruse. Fitues i çmimit ‘Pulitzer’ në gazetari ka mbetur i vrarë në Ukrainë pas sulmeve të ushtrisë ruse, në zonën e Irpin. 51-vjeçari ndodhej në zonë pasi po kryente reportazhe për refugjatët në Irpin. Një moment, ushtria ruse bombardoi zonën, duke lënë të vdekur Renaud. Regjisori mori një plumb në qafë, duke gjetur vdekjen e menjëhershme ndërsa i plagosur mbeti kolegu i tij.
Ndërkohë që kolegu i tij i plagosur është shprehur se:
“Ishim në një nga urat e para Irpin, duke shkuar për të filmuar refugjatët që po largoheshin. Hipëm mbi makinë dhe dikush na orientoi drejt një ure tjetër , kaluam një pikë kontrolli dhe në ato momente filluan të qëllojnë mbi ne. Në atë kohë shoferi u kthye, por sulmet nuk u ndalën. Nuk e di çfarë ka ndodhur më tej me Brent, e pashë vetëm kur e qëlluan në qafë dhe në atë çast jemi ndarë…”, ka thënë ai i cili u dërgua në spital me ambulancë.
Danylo Shapovalov, mjek vullnetar për mbrojtjen territoriale të Ukrainës, tha se i plagosuri ndodhet në spital duke marrë ndihmën e duhur mjekësore. Gazetarët e agjencisë së lajmeve, AFP në Irpin, e kanë parë trupin, i cili është identifikuar si Brent Renaud, fotograf dhe regjisor, i cili ka kontribuar për të përditshmen amerikane, Neë York Times në të kaluarën.
