Një anije me 30 aktivistë që po udhëtonte drejt Gazës për të thyer bllokadën dhe për të dërguar ndihma humanitare është sulmuar nga dronë izraelitë pranë brigjeve të Maltës, në ujëra ndërkombëtare.
Zëdhënësja e grupit, Yasemin Acar, ka deklaruar për CNN se anija është dëmtuar rëndë nga sulmi dhe rrezikon të fundoset. Ajo bëri me dije se mjeti lundrues është aktualisht i ankoruar rreth 17 kilometra larg bregut, ndërsa ekuipazhi ka lëshuar sinjal SOS për ndihmë emergjente.
Sipas saj, një varkë shpëtimi është nisur nga Qiproja për të asistuar në operacionin e ndihmës, por situata mbetet kritike për 30 aktivistët që ndodhen ende në bord.
Ngjarja vjen në një kohë kur Gaza përballet me një krizë të thellë humanitare dhe mungesë ekstreme të ushqimit.
