Aktori i njohur Gazmend Paja, njëkohësisht investitor strategjik, është paraqitur mëngjesin e sotëm në Prokurorinë e Posaçme.
Paja u thirr nga SPAK dhe, sipas deklaratës së tij për mediat, prokurori i ka sekuestruar telefonin.
Sipas CNA, Paja është thirrur nga SPAK për të dhënë dëshmi lidhur me dosjen “Veliaj-Xoxa”.
Paja ka realizuar transaksione me Erion Veliajn dhe Ajola Xoxën për çështje pronash dhe pasurish të paluajtshme.
Gjithashtu, ai ka pasur komunikime me kryebashkiakun e Tiranës, Erion Veliaj, dhe ka jetuar në një apartament sipër banesës së tij.
