Kryeministri i vendit Edi Rama, ditën e sotme me anë të një postimi në rrjetet sociale njofton se Partia Socialiste është e gatshme që të nisi me punë mandatin e tretë. Rama fton të gjithë studentët ekselent që ta kontaktojnë nëpërmjet një adrese të bërë publike, nëse duan të kontribuojnë me opinionet, idetë, projektet apo edhe gatishmërinë e tyre që të përfshihen në punët e mandatit të tretë.
Ftesa për të kontaktuar dhe aplikuar në websajtin “gatipërshqipërinë @kryeministria.al”, shkon për të gjithë ata që kanë studiuar me rezultate ekselence në universitete brenda dhe jashtë vendit.
Studentët do të mund të marrin pjesë me opinionet, idetë, projektet apo edhe me gatishmërinë e tyre për të çuar përpara vendin.
“gatipërshqipërinë@kryeministria.al
Kjo adresë është në dispozicion të të gjithë atyre që kanë studiuar me rezultate të larta, jashtë shtetit apo në Shqipëri, të cilët kanë dëshirë të më kontaktojnë mua personalisht apo anëtarët e tjerë të kabinetit, për të kontribuar me opinionet, idetë, projektet apo edhe gatishmërinë e tyre që të përfshihen drejtpërdrejt në punët e mëdha të Mandatit të Tretë.”, ka shkruar kryeministri Edi Rama.
Kujtojmë se në zgjedhjet Parlamentare të zhvilluara më 25 prill Partia Socialiste arriti të fitonte edhe një mandat tjetër. Partia demokratike në këto zgjedhje siguroi 59 mandate ndërsa PS-ja arriti të merrte 74 mandate. LSI-ja siguroi vetëm 4 mandate ndërsa PSD-ja 3 mandate.
