20 ditë na ndajnë nga ndeshja me Anglinë dhe federata Shqiptarë e Futbollit vendos të kthehet 32 vite pas, kur ne ndesheshim për herë të parë me përfaqësuesen e “Tre Luanëve” dhe humbnim 0-2. FSHF ka publikuar disa nga fotot e asaj ndeshje në “Qemal Stafa”, ku kanë qenë rreth 25 mijë spektatorë në stadium, rekord që mbahet edhe sot.
Postimi nga FSHF
#OnThisDay – Si sot 32 vjet më parë (më 8 mars 1989) Shqipëria 🇦🇱 luante me Anglinë 🏴 ndeshjen e vlefshme për eliminatoret e #Botërorit1990. Kjo ishte hera e parë që ❤️ e 🖤 ndesheshin me 🏴 në histori, ndërkohë që interesi për këtë sfidë ka qenë tejet i madh, si nga tifozët ashtu edhe nga media e huaj.
👉🏻 Trajneri i atëhershëm i kuqezinjve ❤️🖤, Shyqyri Rreli hodhi në fushë këtë formacion: Halim Mersini, Skënder Gega, Hysen Zmijani, Skënder Hodja, Fatbardh Jera, Mirel Josa, Artur Lekbello, Sulejman Demollari, Lefter Millo, Arben Minga dhe Ylli Shehu.
👉🏻 Në anën tjetër England football team 🏴 e drejtuar nga trajneri i mirënjohur Bobby Robson kishte në formacion lojtarë si Gary Lineker, Peter Shilton, kapitenin Bryan Robson dhe shumë lojtarët të njohur të kohës.
👉🏻 Takimi u mbyll me fitoren 0-2 të anglezëve, të cilët shënuan nga një gol për çdo pjesë me John Barnes (16’) dhe Bryan Robson (63’).
👉🏻 Në stadiumin “Qemal Stafa” mendohet se kanë qenë rreth 25 mijë tifozë të pranishëm për të parë këtë duel.
#onthisday #FSHF #kombëtarja #histori #kuqezi #jeminjë #Botërori1990
