Ditën e sotme në Partinë Demokratike, po zhvillohen zgjedhjet për kreun e ri të PD-së. Kur kanë mbetur vetëm dy orë nga mbyllja e procesit të votimit, Kreu i Komisionit Zgjedhor, Jemin Gjanai cili tha se deri më tani kanë votuar 44% ose e përkthyer në shifra 33047 anëtarë të PD-së. Gjana ndër të tjera ka theksuar se procesi i votimit ka qenë i qetë dhe nuka ka pasur probleme, duke shtuar se orët e fundit nuk ka pasur as lëvizje nga përfaqëesuesit e kandidatëve.
‘’Numri i votuesve 33 mijë e 47 anëtarë ose 44%. Tirana ka 9 mijë e 821 anëtarë që kanë votuar. Në raport me 21 mijë anëtarë që ka Tirana, është 46%.
Nuk kemi problem të tjera në vazhdim, në 3-4 orët e fundit s’ka pasur lëvizje të përfaqësuesve, nuk janë ndryshuar më. Dua t’ju bëj me dije dy verifikime që bëmë. Në Kombinat u paraqit, një qe me keto Facebook-et na del një emër i njohur nga mediat investigative që ka shkuar të votojë me pajisje, është larguar. Shpresoj mos shkojë në vend tjetër, ajo dhe ndonje tjeter si ajo.
Një nga përfaqësuesit e kandidatëve morem informacion se 3 votues në Sarandë kanë votuar dhe në Vlorë e Gjirokastër, nuk rezulton, nuk është e vërtetë. Votuan vetëm në Sarandë. Tani po i përgjigjem edhe përfaqësuesit” tha Gjana.
Gjana ka thënë ndër të tjera se një të dhënë operative se kush mund të jetë fituesi i këtyre zgjedhjeve mund ta marrim 3 apo 4 orë pas përfundimit të votimit, por ai ka theksuar se ky nuk mund të jetë rezultati përfundimtarë. Sipas Gjanës, rezultati zyrtar pritet të dalë nesër paradite.
“Besoj se një të dhënë operative mund të marrim diku te 3 apo 4 orë pasi të jenë mbyllur qendra te votimit. Por nuk do të jetë rezultati përfundimtar. Në do të presim deri në mesnatë të gjitha degët që janë afër Tiranës që të dorëzojën materialet. Degët që janë shumë larg, do ti presim që ti sjellin nga orët e para të mëngjesit. Porosia është që ti shoqërojë kryetari i Komisionit dhe cilido nga përfaqësuesi i kandidatëve që është i pranishëm. Pasi të kenë mbërritur edhe kutitë e fundit, do të fillojmë hapjen. Rezultati zyrtar nesër paradite”, tha Gjana.
