Partia Demokratike ka shpallur zgjedhjet brenda selisë blu për zgjedhjen e kryetarit të ri të PD-së. Ditën e sotme lidhur me zhvillimet e fundit brenda PD-së ka folur edhe ish-deputeti Indrit Hoxha. Në emisionin “Breaking “, Hoxha ka zbuluar se Ibsen Elezi ka paraqitur një padi në gjykatë për anulimin e zgjedhjeve brenda Partisë Demokratike.
“Ibsen Elezi ka dërguar në gjykatë për të shpallur anulimin e zgjedhjeve brenda PD dhe mendoj se gjykata brenda 5 ditësh do ta jap versionin e saj” tha Hoxha.
Ai gjithashtu është shprehur se si sfidë ndaj Bashës sheh vetëm dy kandidatët Fatbardh Kadilli dhe Edit Harxhin. Sipas tij padia ka lidhet me faktin se PD-ja ka ndryshuar disa herë statutin e PD-së, por nuk e ka depozituar në Gjykatë dhe kjo sipas tij, i bën zgjedhjet të pavlefshme. Ndërsa nuk ka dhënë asnjë argument për Agron Shehaj i cili gjithashtu është në garë për kryetarin e PD-së.
“Sfidant përball ndaj Bashës shoh vetëm Kadillin dhe Harxhin, kam kërkuar rinumërim brenda partive politike në Elbasan dhe Tiranë. Unë mendoj se do kemi surpriza pasi mendoj se numri 2 nuk del deputet. Ai nuk po jep asnjë shenjë reflektimi për bashkim dhe kjo mund ta çojë drejt një ndarje më të madhe. Ibsen Elezi ka dërguar në gjykatë për të shpallur anulimin e zgjedhjeve brenda PD dhe mendoj se gjykata brenda 5 ditësh do ta jap versionin e saj”, tha ish-deputeti i Partisë Demokratike Indrit Hoxha.
