Mesa duket këngëtarja e famshme Bebe Rexha nuk e ka aspak problem që të zbulojë mesazhet që i dërgojnë ndjekësit e saj, qoftë edhe ato të tipit ngacmues.
Këngëtarja shqiptare ka vendosur të na tregojë mesazhet e një futbollisti të njohur që vazhdon ta ngacmojë pavarësisht se ka familje.
Bebe ka publikuar në “Instastory” një mesazh të tij, duke i fshehur emrin, por duke i thënë që të mos e bezdisë më.
“A keni patur ndonjëherë atë djalin që shkon dhe vjen në jetën tuaj. Ata janë tradhtarë dhe të harxhojnë kohën”, shkroi Bebe në postimin e parë.
Më pas ajo ndau disa mesazhe që kishin shkëmbyer bashkë, në një prej tyre ai i shkruante se kur do ta shikonte, ndërsa Bebe i ishte përgjigjur: “Do të performoj në natën e Vitit të Ri në NBC”.
Pas këmbënguljes së tij, ajo shkruan: “Je i martuar dhe ke tre fëmijë. Ji një model i mirë dhe luaj sportin tënd dhe më lër të qetë”.
Panoramaplus
