Kreu i demokrat, Lulzim Basha ka vijuar fushatën për kreun e PD në Kurbin. Gjatë një takimi ai mohoi një bashkëpunim me Ramën dhe tha se nuk e njeh rezultatin e tjetërsuar të 25 prillit. Më tej, kryedemokrati deklaroi se do ta çojë deri në fund betejën dhe se do jetë në këmbë për të mbajtur ndezur zjarrin e shpresës për shqiptarët.
“Të bashkëpunosh pa vija të kuqe me njeriun që e futi demokracinë dhe vendin në arrest kardiak do të thotë të bëhesh bashkëfajtor. Lulzim Basha nuk e njeh rezultatin e tjetërësuar të 25 Prillit. Pa këtë nuk ka themel për aksion politik në dobi të shqiptarëve. Ftesa ime për ju është një dhe vetëm një.
Pa dorashka dhe zbukurime. Betejën ta çojmë deri në fund. Jemi në këmbë dhe ta mbajnë ndezur zjarrin që ndezëm, zjarrin e shpresës në zemrat e shqiptarëve që na ndoqën. Ta mbajmë ndezur këtë zjarr dhe kërkoj besimin tuaj të vazhdoj t’i prij kësaj beteje bashkë me ju”, tha ai.
Basha vlerësoi edhe kontirbutet e Berishës në demokracinë e vendit duke thënë se ndryshimet e mëdha në vend kanë vulën e tij.
“Kështu jemi ringritur sa herë jemi goditur nga pabesitë e kundërshtarëve. Të gjitha arritjet e mëdha të këtij vendi kanë vulën tonë, kanë vulën tuaj. Që nga rrëzimi i komunizmit, anëtarësim, i në NATO, heqja e vizave, statusi kandidat. Kanë vulën tuaj dhe kanë pa dyshim edhe vulën e Sali Berishës. Beteja e vërtetë është me kundërshtarin. Armikun më të egër të demokracisë në vend”, deklaroi Basha.
