Veç partive kryesore në vend, kanë çelur fushatën elektorale edhe partitë më të reja pjesëmarrëse në këto zgjedhje, që priten të mbahen më 25 prill.
Kryetarja e “Lëvizjes për Ndryshim”, Jozefina Topalli, këtë të shtunë u shfaq me një mesazh pendese për Shkodrën.
Gjatë prezantimit të kandidatëve për deputetë të partisë së saj në Shkodër, Topalli tha se është gati të kthejë borxhin.
“Unë mund të kem bërë gabime në të kaluarën, por zotohem t’ia kthej borxhin Shkodrës dhe Shkodranëve. Duhet të kishim bërë më shumë për Shkodrën.”, është shprehur ajo.
Lista, të cilën e kryeson vetë Topalli, sipas saj është e përbërë kryesisht nga të rinj që kanë studiuar dhe punuar jashtë vendit dhe janë rikthyer për tu angazhuar në politikë.
Topalli nënvizoi kush mendon se Rama ose Basha duhet të jenë Kryeministër pas 25 prill ‘ai qoftë’.
Vetë Jozefina Topalli kryeson listën e qarkun e Tiranës, Durrësit, Lezhës dhe Shkodrës. Në daljet e fundit publike, ajo vazhdimisht ka bë thirrje për largimin e figurave të vjetra dhe partive që e kanë provuar pushtetin.
Kujtojmë se dy ditë më parë, dy partitë e mëdha, Partia Demokrate dhe Partia Socialiste, çelën fushatën elektorale në dy shesht kryesore në vend.
Me organizime masive, PS e zhvilloi takimin në sheshin “Skënderbej”, ndërsa PD në sheshin “Nënë Tereza”.
