Operacioni antidrogë “Reset” është finalizuar nga Policia e Vlorës në zonën e Dhërmiut, duke çuar në arrestimin e një 46-vjeçari nga Tirana, i dyshuar si shpërndarës kokaine në lokalet e natës të bregdetit.
I ndaluari, me inicialet M. M., u kap në flagrancë në një ambient në Drimadhes, ku gjatë kontrollit policia gjeti dhe sekuestroi 126 doza kokaine të gatshme për shitje, një peshore elektronike dhe 136.400 lekë të dyshuara si të ardhura nga trafiku i drogës.
Sipas burimeve zyrtare, 46-vjeçari ishte në vëzhgim prej ditësh, pasi dyshohej se ushtronte aktivitet të organizuar në zonën turistike, duke furnizuar përdorues të lëndëve narkotike në lokale nate.
Materialet janë referuar në Prokurorinë e Vlorës, ndërsa hetimet vijojnë për identifikimin e bashkëpunëtorëve të tjerë.
