Mungesa e ujit të pijshëm është një problem me të scilin qytetarët e Tiranës përballen prej vitesh tashmë. Sekretari i Përgjithshëm i Partisë së Lirisë, Tedi Blushi, anëtar i Këshillit Bashkiak të Tiranës i ka kërkuar përmes një kërkese zyrtare kryebashkiakut Erion Veliaj dhe drejtorit të UKT informacion për këtë problematikë jetike dhe masat e marra.
Blushi thekson se shëndeti dhe jeta e qytetarëve të Tiranës, si dhe shërbimi dinjitoz që ata meritojnë nga Bashkia janë i vetmi prioritet!
“💧🚰 Nisur nga gjendja shumë problematike e furnizimit me ujë të pijshëm në Tiranë, të raportuar periodikisht edhe nga qytetarët, nga fakti se furnizimi me ujë 24 orë nuk u realizua kurrë dhe në kushtet kur cilësia e ujit është skandaloze, pavarësisht çmimit të lartë, ju drejtova sot Kryetarit të Bashkisë Tiranë, Erion Veliaj dhe Drejtorit të UKT, Elton Kacidhja me një kërkesë zyrtare për masat e marra për zgjidhjen e kësaj situate shqetësuese.
Shëndeti dhe jeta e qytetarëve të Tiranës, si dhe shërbimi dinjitoz që ata meritojnë nga Bashkia janë i vetmi prioritet!”, shprehet Blushi.
Autoriteti i Konkurrencës mbyll hetimin për Spitalin Amerikan dhe Hygeia: S’ka abuzim sepse çmimet janë “të rregulluara”
Autoriteti i Konkurrencës ka vendosur të mbyllë hetimin paraprak ndaj Spitalit Amerikan dhe Spitalit Hygeia, duke arsyetuar se nuk ka...
