Aksi Elbasan-Librazhd është shndërruar në një rrugë fatkeqe pasi edhe sot ka ndodhur një aksident i cili për pak i ka shpëtuar fatit tragjik.
Një furgon me pasagjerë ka humbur kontrollin e drejtimit të lëvizjes dhe është përplasur me barrierat mbrojtëse të rrugës.
Ngjarja ka ndodhur mesditën e sotme rreth orës 12:00, ku një mjet që vinte nga Elbasani në drejtim të Librazhdit, për shkak të lagështirës ka dalë nga rruga. Reshjet e dendura të shiut dhe rruga kanë bërë që drejtuesi i mjetit të humbë kontrollin, duke rrezikuar jetën e disa dhjetra pasagjerëve. Por numri i këtyre të fundit nuk është bërë ende me dije.
Fati tragjik i aksidentit është shmangur pasi drejtuesi i mjetit duke përdorur frenat ka mundur që të ndalojë në pjesën e jashtë të rrugës, e cila është e mbushur me gurë, por ishte shumë pranë tragjedisë, duke rezikuar të përsëritej ajo që ndodhi vetëm një javë më parë. Në të njëjtin vend, një mjet përfundoi në lumë pas një aksidenti në rrugë, duke bërë që të ndërronin jetë 3 anëtarët e një familje.
Kujtojmë se në të njëjtin vend, ku vetëm javën e kaluar humbën jetën 3 anëtarët e familjes, një autobus ka dalë nga rruga, duke rrezikuar që të përfundonte në ujrat e lumit “Shkumbin”.
