Ditën e sotme, disa banorë në Lundër kërkojnë të mbrojnë tokat e tyre, në të cilat Fondi Shqiptar i Zhvillimit do të ndërtojë një kompleks sportiv. Pra, mbi 100 mijë metra tokë në zonën e Rezervave të Shtetit në Lundër të Tiranës do u merret 86 familjeve të fisit Teqja që gëzon me të gjithë dokumentacionet përkatëse pronësinë.
Ndërkohë që avokatja e fisit Teqja Miranda Boçi shprehet seprona do u merret pronarëve me pretendimin e një VKM-je të botuar në fletoren zyrtare në dhjetor të 2022. Edhe pse do të kërkonin në këtë seancë të parë në Gjykatën Administrative shfuqizimin e kësaj VKM-je, seanca u shty, pasi Ministria e Mbrojtjes, si një nga palët e paditura nga pronarët, nuk u bë pjesë e procesit. Nga ana tjetër pronarët e tokave të revoltuar thonë se projekti i dhënë Fondit Shqiptar të Zhvillimit për shfrytëzim në pronat e tyre është në shkelje të ligjit dhe një grabitje e pastër shtetërore.
Nuk mungoi edhe një paralajmërim i banorëve të tokave, të cilët shprehen se do të ndjekin të gjitha shkallët e gjyqësorit nëse nuk u jepet e drejta e tyre. Po ashtu sipas tyre revolta do të shprehet edhe me protesta përpara kryeministrisë derisa problematika e tyre të dëgjohet dhe të marrë zgjidhje.
