Përdoruesi i kodit “BFLSI 1”që dyshohet se është deputeti Jurgis Çyrbja komunikon me një person që mendohet se është Edmond Koçi.
Një prej personazheve më të njohur të botës së krimit në Durrës, i njohur si “Mond Çekiçi”, është optimist në fillim të marsit, më shumë se një muaj përpara zgjedhjeve parlamentare të 25 prillit. Koci tregon se ka investuar tek individë të tjerë për të siguruar që Jurgis Çyrbja të kandidojë për deputet, dhe këmbëngul se kishte biseduar për ta renditur atë jo të 7-in, por të 5-in në listën e kandidatëve.
Tashti sa e mbylla muhabetin tënd se kam tre orë me atë , por mos fol me njeri njëherë. Mos i thuaj asnjërit. Vetëm mos fol se na prishin punë. Bëj sikur s’di gjë. Se ja kërkova personalisht. E du unë këtë gjë i thashë përveç se e duan të gjithë. Do ju çoj ashtu tha, normal ti i pesti , Liri i shtati”
Mond Çekiçi do të ekzekutohej në një atentat mafioz disa ditë pas bisedës që kishte pasur me deputetin Jurgis Çyrbja përmes aplikacionit SKY. E vërteta që del nga kjo është se Jurgis Çyrbja u ngjit në listën e kandidatëve, jo në vendin e 7-të, siç kishte premtuar “Çekiçi”, por në vendin e 3-të, duke tejkaluar pritshmëritë.
Rrofsh je i madh. Rrofsh vëlla. JOOO. Rrofsh vëlla na ngrite moralin se na kishte ik mendja”, i pëgjigjet Cyrbja Edmond Kocit
‘I është lënë një terren shumë i madh dhe paratë e krimit janë shumë fishuar. Këto para kthehen shumë shpesh në blerje votash dhe pak a shumë përfaqësuesit e krimit po bëhen si mëkëmbës apo përfaqësues të drejtëpërdrejtë të sovrani’ u shpreh Arben Braçe, ish-drejtor i ekstardimeve
Përkundër këtyre komunkimeve në SKY ECC , ish-deputeti i Durrësit vazhdon të mbajë qëndrim mohues.
Ai këmbëngul se nuk ka përdorur kurrë në jetën e tij aplikacionin SKY ECC.
Pavarësisht pretendimeve të tij, hetuesit janë të sigurt se kanë prova të mjaftueshme që lidhin ish-deputetin Jurgis Çyrbja me bisedat inkriminuese me figura të krimit.
Në dosjen hetimore, ai identifikohet me shkurtesat “J”, “JUR”, “JURI” në biseda që datojnë nga periudha 2020-2021, kur ishte deputet dhe kandidat për një mandat të dytë.
Aktualisht, ai është i arrestuar për tregim sekreti, mbështetje për krimin dhe korrupsion në zgjedhje.
