Ditën e sotme një grup qytetarësh, aktivistësh dhe pjesëtar të shoqërisë civile janë mbledhur në sheshin Skënderbej në Tiranë, për të protestuar për atë që po ndodh në Palestinë.
Qytetarët mbanin pankarta nëpër duar, ku mesazhi ishtë i qartë: Palestinë e Lirë, ndërsa kanë bërë thirrje që të ndalohen sulmet e vazhdueshme kundrejt popullit civil palestinez.
Kjo është protesta e katërt që mbahet në Tiranë, që nga fillimi i sulmeve të Izraelit në Palestinë, ndërkohë edhe shumë qytete dhe vende të tjera të botës kanë organizuar protesta pro Palestinës.
Nga ana tjetër vlen të theksohet se shteti izraelit ka pasur një mbështetje të gjërë nga politika botërore, madje dhe nga ajo shqiptare, duke e përkrahur për sulmet që po ndodhin.
Deri më tani vetëm OBSH dhe disa organizata të tjera kanë bërë thirrje që të ndalohen sulmet, sidomos në Gaza pasi mijëra gra, fëmijë dhe të moshuar kanë mbetur pas strehim dhe pa ushqim, ndërkohë edhe spitalet atje janë tërësisht të shkatërruara.
