Një aksident i rëndë ka ndodhur në qendër të qytetit të Gjilanit në Kosovë.
Sipas Policisë, një kamion cisternë ka shkaktuar aksident zinxhiror, pasi ka goditur disa vetura.
Zëdhënësi i Policisë për rajonin e Gjilanit, Ismet Hashani, ka thënë se mbi dhjetë persona kanë mbetur të lënduar.
Ndërsa emergjenca në Gjilan ka konfirmuar se një person ka vdekur nga aksidenti.
Hashani ka thënë se policia është në vendin e ngjarjes dhe ka nisur hetimet.
