Mbrëmjen e djeshme një i ri mbeti i vrarë, pasi u qëllua me armë zjarri në Korçë.
Mësohet se bëhet fjalë për 30-vjeçarin Altin Balliu, nga fshati Slatinjë i Pogradecit, i cili u ekzekutua me dy plumba.
Dyshohet se viktima u qëllua pas ndjekjes dhe përballjes me të paktën 5 persona, mes të cilëve është edhe autori i vrasjes, që është identifikuar, por nuk është kapur ende nga policia.
Sipas policisë dyshohet se ngjarja ka ndodhur pas bllokimit të rrugës me makinë nga shokët e 35-vjeçarit, që mbeti i vrarë.
Mësohet se makina luksoze e viktimës është me targa AA947VA.
Kanë qenë dy dëshmitarë kyç, ata që kanë çuar policinë në gjurmët e para të vrasësit.
Një tjetër grup policor ka shkuar në fshatin Bitinckë të Devollit, në kërkim të pronarit të një automjetit që u gjet i goditur nga plumbat në vendngjarje, në “lagjen 10” të Korçës.
