Shteti shqiptar kërkon që t’ua imponojë qytetarëve respektin dhe kujdesin për jetën me forma represive dhe policore, por duket se as kjo nuk po funksionon më.
Në mbarë vendin Policia e Shtetit ka marrë urdhër që të vendosë sa më shumë gjoba si tek shoferët e automjeteve ashtu dhe tek qytetarët këmbësorë, për mos mbajtjen e maskës me detyrim.
Por, duket se as maska, as gjobat e kripura, as policia dhe as detyrimi ligjor, nuk po bëjnë më efekt tek qytetarët që zemërimin ndaj qeverisë dhe pandemisë e shprehin në forma origjinale.
Në rrjet kanë nisur që të qarkullojnë disa foto nga gjobat e vendosura nga Policia, ku të ndëshkuarit janë shprehur ashtu siç e kanë ndjerë dhe kanë dashur.
Policia e Shtetit ka harruar luftën kundër krimit të organizuar dhe narko-trafikut, plagët e të cilit po përgjakin gati çdo ditë rrugët e vendit.
Policia dhe Ministria e Brendshme duhet se janë më të interesuara që të mbajë rregull dhe të sigurohet se qytetarët, mbajnë maskat për të frenuar përhapjen e koronavirusit.
Në patrullimet e tyre, “blutë” e vendit janë siguruar që të mos u shpëtojë askush pa ndëshkuar, në rast se thyejnë rregullat e vendosura në Kodin Penal.
Në rrjet kanë nisur që të qarkullojnë disa nga gjobat e vendosura nga Policia, ku të ndëshkuarit nuk kanë hezituar që ta shprehin hapur talljen me shtetin dhe Policinë e Shtetit, që është bërë si estradë rruge.
“Policia e Shtetit ka mbaruar”,- shkruan njëri, ndërsa tjetri më fjalëpak shton në përshkrimin e arsyes në dokument: “Shtet ku**ë”.
/GazetaReforma.com/
