Vëlla e motër në Tiranë janë vënë në prangat e policisë në Tiranë pasi akuzohet se kanë shfrytëzuar për prostitucion disa të huaja. Bëhet fjalë për personat e identifikuar me emrat Tritan dhe Bukurije Guni.
Motër e vëlla krijonin kontakte me vajza të huaja dhe nëpërmjet shantazhit, i detyronin dhe i shfrytëzonin për prostitucion, kundrejt përfitimeve. Tritan Guni u arrestua nga policia ditën e sotme, ndërsa motra e tij është ende në kërkim.
Guni u zbulua teksa i mori 100 euro në Rrugën e Dibrës në kryeqytet, dy të huajave të cilat i shfrytëzonte për prostitucion. Si pasojë janë marrë në hetim katër të huajat të moshave 44 vjeçe, 39 vjeçe, 32 vjeçe, dhe 25 vjeçe, tre prej tyre nga Kazakistani dhe njëra nga Kolumbia.
