Policia greke arrestoi mëngjesin e sotëm drejtuesit e dy kamionëve, ndërsa zbuloi një sasi të konsiderueshme lënde narkotike në aksin Kakavijë-Janinë.
Shqiptarët, drejtues të dy kamionëve, u ndaluan nga policia për kontroll në vendin e quajtur Kranulas. Gjatë kontrollit, u zbulua një sasi prej 115 kilogramë marijuanë, e fshehur në një prej kamionëve.
Mësohet se një nga shqiptarët e arrestuar është Spiro Dukoli, 29-vjeç dhe drejtonte kamionin tip “Volvo” me targa “AA328ET”.
Sipas policisë greke, dy kamionistë shqiptarë u arrestuan nën akuzën e trafikimit të lëndëve narkotike.
Mësohet se Antidroga e Janinës kishte informacion për transportimin e lëndës narkotike dhe ka vëzhguar zonën, në të cilën dyshohet se trafikantët do të ngarkonin lëndën narkotike në një kamion të ngarkuar me paleta.
Kanabisi është transportuar në brendësi të kufirit grek dhe në vazhdim u ngarkua në kamion me destinacion Athinën. Deri tani bëhet me dije se kamionistët janë nga Gjirokastra.
/GazetaReforma.com/
