Policia ka vijuar sot aksionet për kontrollin e personave që nuk mbajnë maskë edhe në ambientet e jashtme.
Forca policore janë parë në Qendrën Spitalore Universitare “Nënë Tereza”, për shkak të fluksit të madh të njerëzve, disa për kontrolle, e disa të tjerë si vizitorë për familjarët e tyre.
Sot po aplikohej edhe gjoba për personat që nuk mbanin maskë.
Më të “lumturit” duket se janë ata që konsumojnë një kafe në baret përreth rrugëve.
Sakaq ndërgjegjësim për mbajtjen e maskës ka edhe në radhët e nxënësve të shkollës, pasi prej nisjes së mësimit në shtator shkollat janë kthyer në vatra infeksioni.
/GazetaReforma.com/
