Mëngjesi i së enjtes në kryeqytet, përveç se me reshje shiu, ka sjellë edhe dy aksidente automobilistike që kanë vështirësuar jo pak trafikun e rrëmujshëm të Tiranës.
Pakujdesia e shoferëve dhe ngutja që shqiptarët tregojnë në timon, ka bërë që dy aksidentet të sjellin kaos në disa akse, që në orët e para të ditës, kur të gjithë nxitojnë për në punë.
Një aksident është regjistruar sot në Unazën e Madhe, pranë Kopshtit Botanik. Ngjarja ndodhi pikërisht mëngjesin e sotëm.
Foto ku shihet se në aksident është përfshirë një automjet kamion, ndërkohë që kjo ka sjellë dhe bllokimin e kësaj rruge, tashmë kanë bërë xhiron e rrjetit.
Deri tani nuk dihen shkaqet e sakta të këtij aksidenti, ndërsa policia shkoi menjëherë në vendngjarje. Po ashtu, aksidenti tjetër i trefishtë u regjistrua mëngjesin e sotëm tek “Rruga e Elbasanit”, ku pati vetëm dëme materiale.
/GazetaReforma.com/
