Mbrëmjen e djeshme një ngjarje e rëndë ka ndodhur në Ekuador, ku një një sulm me armë ngeli i vrarë shqiptari, Arjanit Rizaj. Ai u qëllua për vdekje brenda automjetit të tij, teksa kishte parkuar pranë urgjencës së spitalit Luis Vernaza në Guayaquil, nga dy persona që mbërrin në vendngjarje me një motoçikletë.
Së fundmi janë publikuar edhe fotot se kush është 53-vjeçari që mbeti i vrarë në Ekuador, i cili sipas burimeve policore ishte pa dokumenta dhe pa punë.
Bashkëshortja e tij tha për policinë se ata kishin shkuar në spital për të vizituar një të afërm, para se të ndodhte atentati shumë pranë urgjencës.
Burime policore për “Extra” thanë se: “Gruaja ishte me të afërm të tjerë kur bashkëshorti i saj u vra. Së bashku e kanë nxjerrë nga makina dhe e kanë dërguar në krahë në urgjencën e spitalit, por mjekët nuk i kanë hapur dyert, ndaj është dashur ta çojnë në një klinikë ku ka ndërruar jetë pak minuta pas shtrimit.”
Në videot që qarkulluan në rrjet nga momenti ku Arjaniti u gjet i vrarë vërehet ankthi i të afërmve të të huajit në përpjekjet për t’i shpëtuar jetën.
“Po i rrjedh gjak! Kujdesuni për të! Telefononi Policinë!”– dëgjohet në nga personat duke thënë.
