ATHINË
Policia greke arrestoi një shqiptar 22 vjec, për posedim të një sasie të konsiderueshme kanabisi të papërpunuar, me qëllim trafikimin e tij në tregun ilegal të brendshëm.
Pas shumë hetimesh, Stacioni Policor në Attica, arritën të pikasin se në një shtëpi pushimi në Kinetta sasi të mëdha droge, të cilat ruheshin këtu nga i riu nga Shqipëria.
Policia greke konfiskoi 205 kg drogë
Operacioni për arrestimin e 22-vjecarit shqiptar u krye më datë 6 gusht 2020, e si pjesë e saj janë sekuestruar 205 kilogramë e 420 gramë lëndë narkotike.
Droga ishte e papërpunuar, ndërsa shqiptari po tentonte që ta trafikonte atë, por se u prangos nga forcat policore greke.
Në cilësinë e provës materiale, policia sekuestroi peshore, celularë, si dhe një pajisje GPS.
I arrestuari u dërgua nga policia në Shkallën e Parë të Prokurorisë së Athinës, ku po mbahet i izoluar dhe do të përgjigjet për akuzën e mbajtjes së drogës.
