Boksieri shqiptar Florian Marku ka arritur ta mbrojë titullin e kampionit në peshat e lehta, duke mundur boksierin francez Jorick Luisetto.
Marku dhe Luisetto janë përballur në stadiumin e “Wembleyt” në Londër, ku kjo përballje i takon meçit kryesor mes Riakporhe dhe Durodola.
Florian Marku goditi Jorick Luisetton për të përmirësuar rekordin e tij të pamposhtur dhe për të emocionuar tifozët shqiptarë të pranishëm të shtunën në Londër.
Ndeshja mes Markut dhe Luisettos u zhvillua në tetë raunde, në kategorinë deri në 66.7 kilogramë, ku në shumicën prej raundeve dominoi me goditjet e tij ndaj kundërshtarit.
‘Mbreti Shqiptar’ solli një mori tifozësh të cilët brohoritën para dhe pasi ai fitoi me pikë.
Ndërkohë, vendimi i gjyqtarëve ishte 78 për Markun dhe 76 për Luisetto.
Marku pas kësaj ndeshjeje tha se edhe pse ishte një ndeshje me shumë vështirësi, fitorja ishte e arritur.
“Boksi është jeta ime. Do të dëshiroja të zhvilloj një ndeshje në Shqipëri”, u shpreh ai pas fitores së tij.
Marku nuk ishte kurrë në rrezik dhe mbeti i pamposhtur për një ndeshje të 11-të ndërsa përparoi në një skenë emocionuese të peshave të lehta me bazë në Mbretërinë e Bashkuar që përfshin Conor Benn, David Avanesyan, Josh Kelly, Chris Kongo dhe Chris Jenkins.
