Pas publikimi të lajmit se prokuroia ka sekuestruar edhe pasurinë e tij, ka reaguar Aleksandër Murataj, vëllai i Admir Murataj, i cili ka folur nga burgu 313.
Aleksandër Murataj thotë se pasuria e tij është sekuestruar në momentin që është ndaluar nga policia, kështu që nuk ka pasur pasuri të tjera për të marrë, ndërkohë që flet edhe për takimin e fundit më të vëllain.
“Dita e fundit ishte 2 muaj para se të arrestohesha. U arrestova se shkova tek shtëpia e vëllait. Sekuestrimin e pasurisë e kanë bërë që kur u arrestova unë, këto i nxjerrin gazetarët për shovv. Spekulime nga gazetarët apo nga njerëz të gabuar. Të quhesh organizator, e të vritesh s’është normale. Të vritet organizatori e të lihet në qoshe të rrugës. Nuk di mënyrën si e vranë, edhe sikur policia t’a ketë vrarë, edhe policia ka të drejtë të japë urdhër ndalimi. Edhe fotot që nxjerrin është djalë nane. S’vritet robi ashtu edhe nga policia. Si i nxjerrin ato foto, ka shpirt, është djalë nëne. S’mund ta nxjerrin ashtu si qen rruge”, ka thënë i vëllai i Admir Muratajt.
Murataj thotë se herën e fundit që e ka takuar ka qenë 2 muaj para se të arrestohej, mirëpo atë që nuk pranon kategorikisht është që i vëllai ka qenë organizator.
“Korrupsioni arrin nga parlamenti, deri tek aeroporti. Si i vodhi 10 milionë euro, kështu? Shkon ti dot? S’ka shanse që ka vajtur vetë Dyshimi im është që e ka dërguar dikush aty…Nuk kemi ngrënë njeri në besë”, ka thënë Aleksandër Murataj ndër të tjera.
