Pandemia ka krijuar shumë pikëpyetje tek njerëzit sa i përket sferës ekonomike dhe pasigurisë financiare.
Ditën e sotme Gurvernatori i Bankës së Shqipërisë, Gent Sejko, ka dhënë një deklaratë për mediat, ku u shpreh se norma e interesit nuk do ndryshojë, por do vijojë në të njëjtat nivele.
“Këshilli mbikqyrës vlerësoi se qëndrimi aktual i politikës monetare është i përshtatshëm. Për këtë arsye Këshilli Mbikqyrës vendosi dhe vendosi të mbajë të pandryshuar normën bazë të interesit në nivelin e 0.5%. Këshilli Mbikqyrës gjithashtu vendosi të mbajë të pandryshuar normat e interesit të depozitës dhe të kredisë një ditore në nivelet e 0.1 % dhe 0.9%. Konfirmimi i skenarit pozitiv nënkupton se politika monetare do të vijojë të jetë lehtësuese. Këhsilli vëren se pasiguria është tepër e lartë, që do të thotë se zhvillimet ardhshme të rezultojnë në kahun e poshtëm të zhvillimeve tona. Rreziqet e kahut të poshtëm burojnë nga zgjatja e mundshme epandemisë, krijimi i problemeve në mekanizimin e transmetimit të politikës monetare në formën e rritjes së interesit, apo në formënne luhatjeve të tjera”, tha Sejko.
Lidhur me vendimin për të shtyrë kreditë, Sejko tha se ka patur një reagin pro-aktiv nga bankat e nivelit të dytë dhe se Banka e Shqipërisë, por po merr në konsideratë mundësinë për të shtyrë riskedulimin e kredive përtej tre muajve për disa kategori biznesesh.
“Garancia sovrane për biznesin akoma nuk është përfunduar, normalisht do të shikojmë efektin kur të prezantohet, për momentin bankat po operojnë me garancinë e parë sovrane për pagat e punonjësve. Kemi rreth 70 raste të aprovuara, 8.5 mln euro, por ka edhe 300 aplikime të tjera në proces. Është një garanci po elaborohet në sistemin bankar. E dyta do të shikohet kur të bëhet e vlefshme, edhe ne më pas do të kemi një ide më të qartë. Ne e kemi theksuar, efektet do të jenë të forta në ekonomie, si në të gjithë botën. Parashikimet janë për recesion. Ne jemi të qartë për këtë pjesë. Ne duhet të kemi parasysh që është goditje kalimtare dhe të marrim masat tona, që të na gjejë sa më të përgatitur për t’u ringritur sa më shumë. Duhet të ruajmë zinxhirin e prodhimit, me sa më pak falimente. Ruajtja e stabilitetit financiar dhe e çmimeve janë prioritetet. Ekonomia pati edhe një goditje tjetër nga tërmeti, dhe ne kishim parashikuar më parë një rritje 3-4%, por efektet e kanë përkeqësuar dhe ne jemi në të njëjtat terma si FMN dhe BB për nivelet e recesionit. Ka një pasiguri të lartë në parashikime. Shpresojmë që hapja do të jetë graduale dhe një rritje në sektorin e turizmit që është çelës” tha ai.
