Seanca e sotme plenare është shoqëruar me përplasje të shumta.
Deputeti Flamur Noka ka goditur me rregulloren e Kuvendit një operator. Sipas tij, po filmonte telefonat e deputetëve dhe kamera ishte e fokusuar në telefonin e Sali Berishës, ky i fundit kishte hapur një video denoncuese në Whats App.
Në lidhje me veprimin e deputetit demokrat reagoi dhe kryetarja e Kuvendit Lindita Nikolla, e cila i tërhoqi vërejtje Nokës dhe tha se duhet treguar respekt ndaj medias së lirë.
“Kam dhe një vërejtje ndaj jush zoti Noka, nuk mund të reagoni ndaj medias ashtu duke i qëlluar me rregulloren e parlamentit. Respekte ndaj medias së lirë, nuk mund të rri pa reaguar kur shoh një veprim të tillë. Nuk janë kameramanët e mi, por të medias së lirë”, u shpreh Nikolla. Nga ana tjetër deputeti Noka u shpreh se është e turpshme të fimohen telefonat e deputetëve të parlamentit. “Është turp që filmohen telefonat e deputetit”, tha Noka.
